Kabul-a bomb tihpuahnaa inhnamhnawih 17 man

Afghan National Police (ANP)-te chuan Afghanistan khawpui Kabul-a bomb tihpuahnaa inhnamhnawih firfiak 17 an man tih Afghan Ministry of Interior chuan nimin khan an sawi.

Ministry chuan thuchhuah siamin,"Kar eng emaw zat liam ta chhung khan bomb kap ṭhin mi 17 kan man bakah kawngsira bomb kam 10 chu kan sut tawh a ni," tia sawiin bomb an sutte hi an ram khawpuiah vek a nih thu an sawi a ni.

Kum eng emaw zat chhung chu Kabul hi firfiakte'n an bitum tam ber zinga mi hmun a ni tawh a, Taliban firfiakte bakah IS fifiakte chuan nasa takin an bei ṭhin a ni.