Japan-ah tlang kang vangin mi pakhat thi

Japan rama tlang kang vanga vur tawlhin sipai pakhat a chhilh hlum a, midang 14 in hliam an tuar bawk.

Tokyo aṭanga km 150-a hla, central Gunma perfecture-a Kusatsu-Shirane tlang chu nimin zing khan a kang a, tlang kang nghawr hian vur tawlh nasa tak a thlen a ni. Tlang kangin lung a vawrh chhuah lum chuan a bulṭhut km khat bialah harsatna a thlen bawk. He tlang enfiah tura kal, sipai paruk chu vur tawlh hian a chhilh a, an zinga pakhat chu a thi a, midangte erawh chu chhanchhuah an ni.