Austria-in Hitler-a pianna in police station-ah siam dawn

Austria sorkar chuan kum 1889-a Nazi dictator, Adolf Hilter pianna in chu chei ṭhain police station-ah a siam dawn. 

Police station-a siam tura chei ṭhat hna hi kum 2022 kumtawp lamah zawh hman beisei a ni a, dollar maktaduai 5.6 vel an seng dawn a ni. He in chei ṭhat hna thawk tura interior ministry in tender a tihchhuah chu mi 12 in a chhang a, Austrian architect Marte chuan a chang a ni. 

Nikum November thla khan Germany ramri bul, Braunau am Inn-a Hitler pianna in hi police te hman tir a ni dawn tih a lo puang tawh a. He hmun­ah hian regional command leh police station dah a ni ang.