Taliban-ten Afghanistan ram 85% thunun tawh

Taliban firfiak pawl chuan Afghanistan ram 85% chu an thununna hnuaiah a awm tawh tih an sawi.

Afghanistan ram atang hian America sipai leh NATO tangrual sipaite lak chhuah mek an ni a, hetiang boruak karah hian Taliban te hi hmun hrang hrangah pawikhawihna an thlen chho leh fo a, Afghan sipaite nen pawh an inbei fo a ni.

Taliban-ten an ram 85% chin an thunun tawh nia sawi hi finfiahna erawh a awm lo a, hei bakah hian a hmaa an lo sawi tawh, an rama district leh district centre 421 zinga hmun thuma thena hmun khat an kutah a awm tawh nia an sawi nen pawh a in ang lo a ni. Hemi chungchang hi Afghanistan sorkar chuan a la chhang lo.

Kar liam ta khan Taliban te an ngam loh avangin Afghan sipai za tel chu Tajikistan ramri thlengin an lo tlanchhe tawh bawk. Hei vang hian Tajikistan chuan Afghanistan nena an inrinaah venhim hna tikhauhin, sipai 20,000 zet a dah a ni.