US Gymnastics doctor hlui kum 175 tang turin hrem

US Gymnastics team doctor hlui leh Michigan State University doctor, Larry Nassar chu hmeichhe chunga mipat hmeichhiat lam hawia mawi lo taka a chet avangin kum 175 thleng lung-in tang tura hrem a ni. Larry Nassar hi hmeichhe 156 zet chungah mawi lo taka chea puh a ni a, Judge Rosemarie Aquilina chuan a victim-ten Lansing, Michigan-a state court-ah an chunga a chetdante an sawi hnuah kum 175 tang tur hian a hrem a ni. Nassar hian Nilaini khan court-ah hian a thiltih avangin thupha a chawi a, pawi a tih thu sawi. Nassar hi child pornography crime vangin kum 60 tang tura hrem a lo ni tawh bawk.

Judge Aquilina chuan a chetdan avang hian Nassar chu tan-in pawn lama awm tlak a ni tawh lo tih sawiin, a awmna hmun apiangah midangte chhiatna a thlen a ni, a ti. Nassar-an a khawih zingah hian Olympians Simone Biles, Aly Raisman, Gabby Douglas leh McKayla Maroney-te pawh an tel.