US-in NKorea leh China firm hrek belh

US chuan NKorea sorkarin nuclear weapon program a kalpuinaa thlawpa puh, North Korea leh China firm bakah mi mal ṭhenkhat hrekna a siam belh leh.

US Treasury-in hrekna a tihchhuah thara a tam zawk hi China leh Russia-a hmunpui nei, North Korea company leh bank-te an ni a, North Korea shipping company leh lawnglian paruk bakah Chinese trading firm pahnih an tel bawk.

Treasury Secretary Steve Mnuchin chuan thuchhuah siamin, NKorea-in nuclear weapon program a kalpui theihna atana puitu, mimal leh company-te chu an bitum chhunzawm zel dawn tih a sawi. Mimal hrekna a siam thar zingah hian UN-designated company, Korea Ryonbong General Corporation aiawhte pawh an tel an ni.

North Korean Minitry of Crude Oil Industry pawh hrek a ni a, hei hian ministry nena insumdawn tawn, foreign oil supplier thlengin a nghawng thei dawn a ni.