Cuba mipuite'n sorkar laka lungawi lohna lantir

Cuba mipui sang telte chuan Pathianni khan an rama sorkar laka lungawi lohna an lantir a, an ram economy dinhmun chhe mek te, Covid-19 vaccine semchhuah muang leh indaih lohna thleng mekte chu sorkarin a ngaihthah lutuk niin an puh.

President leh Communist party hotu, Miguel Diaz-Canel an ram chhung buaina thleng mekah US chu mawhphurtu niin a puh. President chuan a lam ṭangte chu sorkar laka lungawi lohna lantira nawrh huaihawtte lo do let turin a chah bawk.

Sorkar laka lungawi lohna lantir hian Havana khawpui chuan hnuai lam aṭangin khawpui laili thlengin kawng an zawh a ni. Mipui pungkhawmte hi 'Zalenna' tiin an au a, President Diaz-Canel bang tura an phutna thu an aupui bawk. An au lai hian sorkar thlawptu lam chuan 'Fidel' tiin an lo aukhum ve bawk a ni

San Antonio de los Banos aṭanga let hlim, Diaz-Canel chuan mipui pungkhawm tam tak chuan an thil nawr chu an lak thutak hle laiin, US-in social media campaign hmangin a thunun vek a, nawrhna dang buatsaih leh chu an ngaizam mai mai dawn tawh dawn lo tih a sawi bawk.