NKorea-in US chhawmdawlna pek dan sawisel

North Korea chuan US sorkarin ram dang hnena chhawmdawlna a pek dan chu sawiselin, a duh dan anga ram dangte a nawr theihna tura verther taka politics a khelhna a ni, a ti.

Pathianni khan NKorea foreign ministry chuan an official website-ah US-in chhawmawlna a pek ṭhin chungchang sawiselna hi a tichhuak a ni.

Association for the Promotion of Inter­national Economic and Technological Ex­change-a senior re­seacher, Kang Hyon Chol chuan US-in a foreign policy tihhhlawhtlinna leh human rights chungchanga midangte nawrna atana chhawm­dawlna a pekna ram hrang hrangte a tarlang bawk. "Hei hian America thil tum dik tak, an political scheme verther tak tihhlawhtlin an tumna a ni," a ti. Entirna a tarlan zingah, America-in a sipaite a lakchhuah ṭan avanga Afghanistan sorkar a puihna a tihhniam zel chungchangte a tarlang bawk.

Hetih lai hian America official-te chuan NKorea ram chhawmdawlna pek chu an thlawp reng a, mahse direct-a pekna tura hmalakna erawh a awm lo niin an sawi.

South Korea pawhin NKorea hian coronavirus vaccine a mamawh a nih chuan pek an inhuam thu a sawi tawh bawk a, mahse NKorea lam hian SKorea leh US aṭangin chhawmdawlna dawn a duh lo a, China leh Russia ram aṭang erawh chuan bithliah chin siamin an puihna dawn erawh a remti thung a ni.