Haiti President thahnaa inhnamhnawiha puh man

Haiti police-te chuan an ram president Jovenel Moise thahna a phusa ber zinga mi, kum 63 mi Christian Emmnuel Sanon chu Pathianni khan an man tih an sawi.

President Mosie hi kar liam ta Nilaini khan Port-au-Prince-a a chenna inah kahhlum a ni. Thuneitute chuan President thattute hi Colombia mi 26 leh Haiti American pahnih awmna pawl niin an sawi.

National police chief Leon Charles chuan Christia Emmanuel Sanon hi June thla tir lam khan private jet hmangin Haiti hi a lut a, security guard a chhawr eng emaw zatin zuiin, President paihthlak a tum niin a sawi a, a chhan erawh hriat chian a ni lo.

Charles chuan President thah kaihhnawihah hian Colombia mi 18 leh Haiti American pathum man an ni tawh tih a sawi a, Colombia-ah mi panga an la zawng mek tih a sawi bawk.