Brazil-a nightclub beihnaah mi 14 thi

Brazil hmarchhak lama Fortaleza khuaa nightclub chu Inrinni zing varṭianah khan silai kengten luhkhungin silai an pawng kah a, mi 14 kaphlumin midang parukin hliam an tuar. Misualte hi man an nih hmain an tlanchhe hman a ni.

Silai kengte hi car pathuma kalin, Fortaleza khaw daia Forro do Gago nightclub-a party laite chu an pawng beih a ni. Media-te chuan pawikhawihtute hi ruihhlo tawlhrukna lama inhnamhnawih pawl niin an sawi.

Pawikhawihtute hian silai hi an hmetpuak nasa hle a, club bakah a bul hnaia in leh motor-te pawh silai hian a fuh a ni. Police-te chuan he thil thleng hi a hma aṭang lo ruahman lawk vek nia a lan thu an sawi a, pawikhawihtute man tum hian beihpui thlak nghal a ni thu an sawi.