Air pollution tihziaawm nan dollar tld 3 hmang dawn
China khawpui, Beijing chuan khawpui chhunga boruak bawlhhlawh zel tihziaawmna tura hmalak nan US dollar tluklehdingawn thum (yuan tluklehdingawn 19) a ruahman.
Beijing Municipal People's Congress annual session vawi 15-na neihah he ruahmanna hi tarlan a ni. Sum hman tura ruahmante hi boruak bawlhhlawh siamtu langsar zual - lungalhthei, motor leh vaivut khu khuahkhirhna tura hman a nih bakah, rural area-ah lungalhthei thlakna tura clean energy project kalpui a ni bawk ang. Kum 2017 chhung khan Beijing hian thingtlang khaw 901-ah clean energy project hi a kalpui tawh a, motor upa leh meikhu tichhuak nasa nuai nga dawn dintir an ni bawk. Bejing-a district paruk leh chhim lam phaizawl bialah te chuan lungalhthei hi hman a ni tawh lo.