North Korea team-in Olympic neihna hmun enfiah

North Korea chuan South Korea-a Winter Olympic Games neihna tur hmun enfiah turin advance team a tir.

Member pariat awmna, NKorea advance team hi Mi­nis­try of Physical Culture and Sports deputy director Yun Yong Bok-an a ho a, ni thum chamin an enfiah a ni. An enfiah zingah hian NKorea palaite thlenna tur hmunte pawh a tel. Hemi hma hian NKorea Samjiyon Orchestra hotu, Hyong Song Wol chuan Seoul leh Kangrung tlawhin, NKorea art-te inbuatsaih dante pawh a lo endik tawh a ni. South Korea advance team, Ministry of Unification department director Ri Ju Thae-a kaihhruai pawhin North Korea hi tlawhin, ram pahnih skier-te'n joint training an neihna leh, Olympics ṭan hmaa joint cultural event an neihna tur hmun Masikryong Ski Resort leh Mt. Kumgang area-te an lo endik ve tawh bawk.

Korea ram pahnih aiawhte hian January 9 khan inbiakna neiin, NKorea chuan SKorea lamin a sawm angin Winter Olympics-a tel ve hi a lo remti tawh a ni.