Africa-a ram parukin chawimawina dawng

Africa khawmualpuia ram parukte chuan malaria natna tihrem tuma hma an lakna avangin pathianni khan chawimawina pek an ni.

Ethiopia khawpui, Addis Ababa-ah African Leaders Malaria Alliance (ALMA) award hi hlan an ni. Madagascar, Senegal, Gambia, Zimbabwe ramte chu kum 2015 leh 2016 inkarah an rama malaria vei awm zat 20% chuang an tlakhniam avangin chawimawina hi pek an ni a, Algeria leh Comiros ramte chu malaria natna vei 40% zeta an tlakhniam avangin chawimawina hlan an ni bawk.

Africa ram hruaitute chuan kum 2030-ah Africa chu malaria hri awm lohna rama siam tumin an bei a ni. Africa ramah hian malaria hi natna hri leng nasa leh thihna thlentu tam ber a la ni reng a ni. Khawvel ram pumah pawh malaria hri leng hi buaipui a la ni a, kumtin he hri vei hi mi maktaduai 216 chuang an awm bakah, mi 445,000 velin an la thihpui ziah niin World Health Organization (WHO) chuan a tarlang.