Holocaust bill ennawn dawn

Poland-in an rama Nazi death camp-te sawinaa Polish tih hman khap a nih theihna tura dan siamṭhat a tum chu Israel-in nasa taka a sawisel avangin Poland President Andrzej Duda chuan he ruahmanna hi ennawn a tum tih a sawi.

Poland hi Indopui II-na hunlai khan Nazi Germany-te chuan beiin an awp a, an mi leh sa maktaduai tel an thahsak a, an zingah hian Polish Jews maktaduai thum an tel a ni. Poland rama Nazi-te'n Juda mite an tihhlumna hmunte chu Polish camp ti te a sawi ṭhin an ni a, hei hi Poland sorkar chuan hman chhunzawm a duh tawh lo a ni. An dan hman mek chu siamṭhat an tumah hian Nazi-te pawikhawihna thlenah Poland-in mawhphurhna leh inhnamhnawihna a nei lo tih sawiin, hemi chungchanga Poland inrawlhna nei anga sawi chu khapin, a sawi luite chu jail-a tantir theih an ni dawn a ni.

Poland sorkar chuan Nazi-te'n Juda mite chunga pawikhawihna rapthlak tak an thlen chungchangah ram dangten Poland an dem telna tur venna atan Polish death camp tia sawi ṭhin khapna hi siam a ngai a ni, a ti.