Argentina president-in chhungkhat hnai chhawr khap

Argentina President Mauricio Macri chuan an ramin leiba a ngah avanga harsatna an tawh mek sutkianna tura inrenchemna an kalpuina peng pakhatah sorkar hnathawk tihtlem a nih tur thu a sawi.

Minister-te chu chhungkhat hnaite chhawr lo turin a ti a, chhawr lai an nei a nih pawhin ban turin a ti. Minister-te'n hnathawka an chhawr, pali zingah pakhat zel chu ban an ni dawn a, sorkar hnathawkte pawh kuminah an hlawh tihpun a ni dawn lo bawk. Argentina sorkar chuan hnathawktute a tihtlem leh, hlawh a tihpun loh chuan kumin chhungin dollar maktaduai 77 vel a hum theih a beisei a ni.