NAB-in Geo TV editor Mir Shakeel-ur-Rehman an man

Pakistan National Accountability Bureau (NAB) chuan chanchinbumi Mir Shakeel-ur-Rehman chu dik lo taka ram leia puh a nih avangin Ningani khan an man.

Mir Shakeel-ur-Rehman hi Pakistan-a Jang chanchinbu leh Geo TV-ah editor in chief ni lai a ni a, man a nih chhan hi kum 34 kaltaa Lahore-a 54 Kanal ram a lei chungchanga dan dik loa leia puh a nih vang a ni.

Kanal ram hi kum 1986 khan a hunlaia Punjab chief minister hnen aṭangin ngaihnathiamna nen, dik lo taka a lei nia puh a ni a, a ram leina hmunah hian Rehman chuan in a sa nghal bawk. He rama in a sak dan kimchang tarlanna

chu pe turin NAB lam hian Rehman hi an phut bawk.  

Rehman hi NAB investigation team chuan Ningani khan Lahore-ah thu zawhfiah turin an la a, mahse he hunah hian investigation team zawhnate chu duh anga ṭha chhanna a pek theih tak loh vangin NAB hian an man zui ta a ni. Niminah khan thu zawtfiah leh turin Rehman hi NAB hmaah a inlan leh.

He thil thleng hi Geo Tv lam chuan nasa taka sawiselin, an news channel-in a changa Pakistan prime minister Imran Khan fak lo zawng chanchinthar an chhuah ṭhin avanga beihnaa an ngaih thu an tarlang.