Myanmar-a real estate project titawp turin Japan ngen

Human rights group chuan nimin khan Japan sorkar hnenah Myanmar defence ministry nena inkungkaihna nei real estate chu tihtawp turin an ngen.

Japan-a private firm leh state entity-te chuan Myanmar defence ministry ram huam chhunga hotel leh office tihchangtlunna turin dollar maktaduai tel hu project an thawk mek nia sawi a ni. Human Rights Watch chuan Myanmar nena insumdawnna neihin a nghawng thui theih zia chu Japan chuan a ngaihtuah chiang lo a ni, a ti.

"Japan-a public fund-te Myanmar sipai,Tatmadaw kuta a lut mai tur hi kan duh lo a ni," tiin Mekong Watch Executive Director Yuka Kiguchi chuan a dem thu a sawi.

Y Complex project hi Myanmar defence ministry-in a hlawkna a tel dawn a, in luah mante chu sipaite kutah hian a lut vek dawn niin human rights group chuan an sawi. Hetih lai hian he project thawktu, Japan company leh sorkar official-te chuan in luah leh hotel mante hi sipai kutah ni loin, Myanmar sorkar hnena lut zawk tur nia an lo ngaih thu an sawi thung.