Australia PM hluiin Broadcasting Corporation a khing

Australia Prime Minister hlui Kevin Rudd chuan an rama publc broadcaster lian, Australia Broadcasting Corporation chu report dik lo thehdarhah puhin court-ah a khing.

Thawhlehni khan Australian Broadcasting Corp chuan Rudd-a hi prime minister a nih laiin home insultation scheme a kalpui chungchangah a hlauhawm theih dante hriattir lawk vek a ni tiin a tarlang. He scheme kalpui vang hian mi pali an thi a, chhui chian nghal a ni. Mahse an chhuinaah he thilah hian Rudd-a dik lohna hmuh a ni lo.

Broadcaster hian second-hand dawr aṭanga cabinet document thuruk hmuhchhuah behchhanin he report hi a tichhuak a ni. Report a tihchhuahah Rudd leh a minister Julia Gillard, Wayne Swan leh Lindsay Tanner-te chu kum 2009-a insulation programme kalpui a nih dawn khan a hlauhawm thu hriattir lawk an nih thu te tarlan a ni.

Rudd chuan broadcaster report hi chhangin, cabinet document-te chu royal commission inquiry in a enfiah vek thu sawiin, document-ah thil hlauhthawnawm nia sawi chu mihringte chungchangah ni loin, financial leh administrative lamah a nih thu a sawi.