US-in Hamas hotu firfiakah puang

US State Department chuan Islamist Palestinian pawl, Hamas pawl hotu Ismail Haniyeh chu firfiakah a puang.

State Department-in thuchhuah a siamah, Haniyeh bakah Egypt-a chetla ṭhin Islamic group pahnih leh Palestinian ram chhunga che ṭhin Islamic group pakhat chu specially designated global terrorist-ah puan an nih thu a tarlang. Secretary of State Rex Tillerson-an Middle East boruak tichhe zawnga che a, remna leh muanna a awm theihna tura hmalakna ngai pawimawh lo a, US ṭhianṭha Egypt leh Israel bei ṭhin firfiak pawl leh an hotute chu an bitum zel tur thu a sawi pawh tarlan tel a ni bawk.

Gaza Strip-a Hamas official Sami Abu Zuhri chuan state department thutlukna siam chu an pawm loh thu a sawi a, he thil hi America-in thutlukna a siamna tura Israel a inrawlhzia tilangtu a ni tiin, awmze nei lo niin a sawi. Gaza-a roreltu, Hamas hi US bakah khawthlang ram ṭhenkhat chuan firfiak pawlah an lo puang tawh bawk a ni.