Nepal PM Deuba-a'n fiahna a paltlang

Nepal prime minister thar Sher Bahardur Deuba chuan Parliament-ah fiahna a paltlang.

Kum 75 mi, Deuba hi Pathianni khan Parliament-ah fiah a ni a, fiahna paltlang tur hian vote 136 hmuh a ngaih laiin, PM ringtawk lamah vote 165 a tla tih Parliament speaker Agni Sapkota chuan a sawi. Deuba hi a hmain PM dinhmun hi ṭum li a lo chelh tawh a ni.

Nepal Supreme Court chuan kar liam ta khan prime minister ṭanglai, KP Sharma Oli thlak a, a aiah Deuba hi ruat turin thupek a lo tichhuak tawh a ni. Kum thum chhung PM dinhmun lo chelh tawh a, Oli hi parliament a ṭhiah avangin ram danpui kalha che ah puhin Court chuan a paihthla a ni. Oli chuan court-in a paihthlak dan chu thil dik lo niin a sawi thung.

Deuba hi PM atana ruat a nih hnuah Parliament-ah thlawptu a ngah tawk em tih fiah leh phawt a ngai a, mahse fiahna hi a paltlang tak avangin ṭangrual sorkar a kaihhruai thei dawn ta a ni.