NKorea-in 2017 chhungin dollar mtd 200 lalut

UN report-in a tarlan danin kum 2017 chhung khan North Korea chuan ram hrang hrangten an hrek chunga a ruka bungrua a thawnchhuah aṭangin hlawkna, dollar maktaduai 200 vel a hmu niin a sawi.

UN chuan NKorea-in ram pawn lama bungrua a thawnchhuah hi a lo khapsak a, mahse hetichung hian NKorea hian Syria leh Myanmar sipaite tan ralthuam a thawnchhuak tho niin a sawi. Hei bakah hian Russia, China, South Korea, Malaysia leh Vietnam ram hnenah lungalthei pawh ṭhahnem tham tak a thawn lut bawk.

NKorea-in nuclear leh ballistic missile program a kalpui vangin UNSC chuan NKorea hrekna hi kum 2006 aṭang khan a siam a, coal, iron, lead, textile leh seafood thawnchhuah a khapsak bakah, crude oil leh petroleum product a lakluh a khapsak bawk.