Syria helten Russia thlawh-theihna kap thla

Russian Su-25 jet chu kar kalta Inrinni khan Syria-a Idlib province-ah helhoin an kah thlaksak a, hei vang hian Russia chuan beihpui thlak zuiin, beihpui thlaknaah hian hel 30 an thi.

Jabhat al-Nusra firfiak pawl chuan Russia thlawhtheihna an kahthlak sak thu hi sawiin, anti-aircraft missile system hmangin an kapthla niin a sawi. Russia chuan thlawhtheihna tlaah hian pilot hi damchhuak mah se, a hnuah firfiakten an kaphlum zui leh nghal niin a sawi.

A ruang hi Russia rama lak a nih theih dan tur buaipui mek a ni. Russia defence committee deputy chairman, Yury Shvytkin chuan firfiakten thlawhtheihna kahthlakna atana an hmanrua hman hi eng ramin nge pe tih hriatchhuah a ngai tih a sawi.