Most wanted list-ah Saddam Hussein-a fanu tel

Iraq sorkarin man tuma a zawn mek, most wanted list a siamah an ram hruaitu hlui, Saddam Hussein-a fanu Raghad a tel. Most wanted list-ah hian mi 60 hming tarlan a ni.

List-a mi 60 hming tarlante hi firfiak pawl Islamic State (IS), al-Qaida leh Baath Party nena inzawmna nei nia rinhlelh an ni. Firfiak pawla an inhnamhnawih dante, an pawikhawihna thlen nia rinhlelhte tarlan tel a ni.

Saddam Hussein-a fanu, Raghad-i hi Jordan rama awm a ni. List-a tel zingah hian Maan Bashour tih loh chu Iraq mi vek an ni. Bashour hi Lebanon mi niin, Iraq-a pawikhawihna thlen tura firfiak pawl tana mi lalut ṭhinte puh a ni. List-ah hian Saddam-a hnuaia Fedayeen paramilitary organisation-a officer hlui, a hnua IS military council member ni ta Fawaz Mohammad Mutlaq pawh a tel. Hetih lai hian IS hotu, Abu Bakr al-Baghdadi hming erawh telh a ni lo thung.