China-in anti-missile system enchhin

China Defence Ministry chuan anti-missile intercept system chu hlawhtling takin an enchhin niin a sawi a, hei hi ramdang beihna tur ni loin invenna tur atan chauh a nih thu a sawi nghal bawk.

Ministry chuan "ground-based midcourse anti-missile intercept technology" hi Thawhṭanni khan China ramri bulah enchhin a ni, a ti. An beisei ang takin an thil enchhin hi a hlawhtling tih a sawi a, mahse chanchin kimchang erawh a tarlang lo. China hian kum 2010 aṭang khan anti-missile sytem hi a lo enchhin ṭan tawh a, he technology hi an ram invenna leh himna atan a pawimawh niin a sawi.