US Fed hotu atan Jerome Powell lalut

7th February, 2018

US Federal Reserve Chairman atan Jerome Powell chu rinawmna thu tiamtira lakluh a ni. Powell hian Janet Yellen a thlak a ni.

US central bank hotu atana lakluh a nih hnua chanchinthar lakhawmtute a kawmnaah, Powell chuan an ramah hnathawh nei lo, unemployment rate a tlahniam zel a, economy pawh a ṭhang zel a, thil man sanna pawh a hniam tawh hle niin a sawi.

Ram economy ṭhan zelna atan te, job market tihlenna leh thil man sang chak zel tur veng tura theihtawp an chuah zel tur thu a sawi. Powell hi Federal Reserve hotu 16-na a ni a, nikum November thla khan he dinhmun chelh tur hian President Donald Trump chuan a lo rawt tawh a ni.