West Bank-a buaina thlengah Palestinian mi thi

Israel-in Pales-tinian ram a luah, West Bank-a Nablus khuaah Palestinian mi leh Israel sipaite intibuaiin, Palestinian mi pakhat a thi a, midang 40 velin hliam an tuar.

Israel sipaite hian Nablus khuaa hian tunkar tira Israel mi vithlumtu nia rinhleh man tumin an dap a, hei hi Palestinian mite hian lo dangin an intibuai zui ta a ni. Palestinian news agency Wafa chuan buaina chhuaka hliam tuar zinga paruk chu an dinhmun a ṭha lo hle niin an sawi. Palestinian mite hi Israel sipaite hian motor-in an chil niin a tarlang a, pakhat chu spaite hian a malah an kap hliam niin a sawi bawk. Israel sipai thupuangtu chuan he thil thleng chung-chang hi chhui chian mek a nih thu a sawi a, Palestinian media-te report hi a dik leh dik loh a la nemnghet lo.

Thawhṭanni khan West Bank hmarlama Ariel-ah Israel mi pakhat chu vihhlum a ni. Israel sipaite chuan pawikhawihtu hi man tumin an zawng nghal a, kawngpuite an dan bakah Huwwara checkpoint pawh an khar a ni.