Taiwan-ah chhanchhuah hna thawk chhunzawm

Taiwan khawchhak lama Thawhlehni zana magnitude 6.4-a naa lir nghing vanga thi chu mi 10 an tling tawh a, chin hriat lohin mi 58 an awm bawk. Lirnghing tuartute chhanchhuah hna hi ngawrh taka thawh chhunzawm zel a ni.

Chhanchhuah hna thawh a nih mek laiin Nilaini zan khan magnitude 5.7-a nain Hualien khuaah lir a nghing nawn leh. Hualien hi Taiwan khawpui, Taipei chhim lam km 120 vela hlaa awm a ni. Hualien-a chengte chuan Nilaini leh nimin thleng khan lirnghing nawn, afterschock ṭum 200 chuang a thleng tawh niin an sawi. Kum 1999 September thla khan Taiwan-ah hian magnitude 7.6-a nain lir a nghing a, mi 2,400 thiin mi nuai chuang chu chenna nei loin an awm phah a ni.