Colombia zirlaiten lungawi lohna lantir

Colombia-a Medellín's Pontifical Bolivarian University, UPB tia hriat chuan an university website-ah zirlai hmeichhiate chu pawnfen chhing feng lo tura a tih avangin zirlaiten lungawi lohna an lantir.

University-in zirna in huam chhungah an classmate leh zirtirtute rilru lakpen a nih lohnan zirlai hmeichhiate chu pawnfen chhing feng lo turin a ti a ni. Zirlaite hian unveristy thuchhuah chu inthliarna lantirnaa angah ngaiin lungawi lohna an lantir a, Ningani khan zirlai hmeichhiate chu campus-ah pawnfen chhing emaw, kekawr bul emaw feng leh ha vek turin an ngen a ni.

Zirlaiten lungawi lohna an lantir hnu hian university chuan an thuchhuah chu thupek ni loin, thurawn satliah mai a nih thu a sawifiah. UPB chuan mimalte zalenna a zahsak a, zirlaite tana inthuam dan tur, dress code pawh a siamsak ngai lo tih a sawi. He thuchhuah hi university-a zirlai kal tharte tana thurawn an pekna mai a nih thu a sawi.