US sorkar shutdown a ni leh

US Senate-in funding bill pass tur a tihkhawtlai leh avangin Ningani zan khan US sorkar chu hnathawk thei loa khar, shutdown a ni leh. Hei hi kar thum chhunga sorkar shutdown a nih ṭum hnihna a ni.

Senate-ah hian sum indaih lohna phuhrukna tur, short term funding bill-a dollar tluklehdingawn 300 dah tum chungchang chu darkar kua zet sawiho a ni a, bill pass hun tawp ni, Ningani zanlai thleng pawh khan an pass thei ta lo a ni. Bill hi Republican Senate hruaituten duangin, President Donald Trump pawhin a thlawp a ni. White House Office of Mangament and Budget chuan funding bill hi a huna pass hman a nih loh a, sorkar khar lailawk a ngaih dawn pawhin hemi atan hian an lo inbuatsaih lawk niin a sawi.