UNESCO-in Liverpool world heritage status hlih sak

United Nations’ culture organisation, UNESCO chuan World Heritigate Site list aṭangin England-a Liverpool khawpui chu a paih. List aṭanga paih pathumna a ni.

UNESCO World Heritage Committe chuan Nilaini khan secret ballot hmanga vote lain, Liverpool khawpui laili leh River Mersey-ah hmasawnna hna thawh a nih tak avangin world heritage status pekna chu hlih an remti a ni. Committee chuan development project siamte, local football club Everton stadium thar sak turte chuan he khawpui nihna dik tak chu a tihmelhem tawh dawn nia sawiin, hei hi siamṭhat theih tawh loh tur a ni, a ti.

Kum 2004 khan UNESCO hian Liverpool hi World Heritage Site-ah a puang a, kum zabi 18 leh 19 hunlaia khawvela lawngchawlhna hmun pawimawh tak a lo awm tawhna avang leh a khawpui mawina avangin list-ah hian telh a ni.

World Heritage Site-a telh tawh zingah Liverpool hma hian pahnih chauh paih an la ni. Kum 2007 khan Oman-a wildlife santuary chu ramsa pel leh tihhlum an tam avang list aṭang hian paih a ni a, kum 2009 khan Germnay-a Dresden Elbe Valley chu lui chungah four-lane bridge dawh a nih vangin list aṭangin paih a lo ni tawh bawk.