Israel MP-in Covid-19 a kai vangin

Parliament session titawp lailawkIsrael Parliament member pakhatin Covid-19 a kai tih hmuh chhuah a nih avangin nimina session neih tur chu tihtawp lailawk a ni. 

Hripui leng vang hian Israel chuan March thla khan inkharkhipna a kalpui a, mahse khuahkhirhna siamte chu thlahdul chhoh ṭan a ni tawh a, school te pawh hawn a ni tawh. 

Member 12 awmna, Knesset chuan MP pakhatin hri a kai tih hriat a nih avang hian non-essential staff te chu chawlh tir nghal an ni a, nimina committee meeting neih turte pawh ṭhulh vek a ni bawk.

Israel-ah hian hri kai hmuh tawh hi mi 17,343 an awm a, an zinga 290 in an thihpui tawh a ni. 

School pawh hawn tawh ni mah se, zirlai leh zirtirtu 250 chuangin hri hi an kai tih hmuh chhuah a nih leh avangin school tam zawk chu khar zui leh  nghal a ni. 

Prime minister Benjamin Netanyahu chuan school-a hri kai pakhat hmuh an nih pawhin an school chu khar nghal zel a ni dawn tih a sawi. Sorkar thupek angin zirlai leh zirtirtu 6,800 chuang chu inah khung hran mek an ni.