China-ah school naupangte chem nen bei

China-a Guangxi province-a Suzhou khuaa sorkar primary school pakhata zirlai leh staff member-te chu nimin khan security guard-in chem nen a bei a, mi 40 in hliam an tuar. 

Pawikhawihtu hi kum 50 mi Li Xiaomin a nih thu Wangfu Town sorkar chuan a sawi a,  police-ten an man nghal a, thu zawhfiah mek a ni. 

Hliam zingah hian school principal leh secu­rity guard dang pawh telin, anni pahnih bakah zirlai pakhat chu a dinhmun a ṭha vak lo nia sawi a ni. Hliam tuar dang tam zawk erawh chu damdawiinah an hliamte ensak an nih hnuah haw tir a ni. 

China ramah hian chem hmanga pawi­khawihna a thleng fo a, kindergarten leh primary school-te an bitum fo a ni. Nikum September thla khan central China-a primary school chu mi pakhatin chem nen beiin zirlai pariat a vithlum a ni.