Central leh South America an ngaihtuahawm zual: WHO

World Health Organization (WHO) Director General Dr Tedros Adhanom Ghebreyesus chuan Central leh South America-a Covid-19 hri darh chak chu buaipui a ngai hle tih a sawi.

Ni nga liam ta chhung khan Central leh South America ramah hian Covid-19 hri kai mi 1,00,000 chuang an awm hman a, hei vang hian helai hmun hi ngaihtuah awm viau a nih thu Dr Tedros chuan a sawi bawk.

South America ram bikah hian Brazil chu hri kai tam berna ram a ni mek a, he hri vanga thi pawh hi US, UK leh Italy tih loah chuan an tam ber bawk. US tih loah chuan hri kai tamna an ni mek.

Khawvel puma hri kai hi mi 65,89,291 an awm tling tawh a, heng zinga mi 31,82,460 chu enkawl dam tawh niin, he hri vanga thi hi mi 3,88,317 an awm tawh a ni.