Trump-an military budget tipung dawn

US President Donald Trump chuan military budget nasa taka tihpun a tum a, budget atan dollar tlukdingawn 700 ruahmanin, hei hi US military budget siam tawha la tam ber a ni. Nikum aia a tamna hi 15.5% zet a tling.

President Trump-a hnuaia military budget thar siam tur hi anmahni eltu ram lian pahnih, China leh Russia-ten sipaite thuam chakna tura sum an dah ai pawhin a sang zawk hle a ni. He budget thar hmang hian US sipai atan mi sang tel lakbelh an nih theih dawn bakah, training tam zawk leh hmaraw ṭha zawk pawh an nei thei dawn a ni.

Congress chuan bill hi kar kalta Zirtawpni khan pawmin, hemi ni vek hian President Trump chuan budget bill-ah hian a hming a ziak a ni. Tun ṭum budget-ah hian Pentagon chuan kum hmasa aiin dollar tlukledingawn 94 zetin a dawng tam dawn a ni. Mahse appropriaton committee-ten 2018 military budget chungchangah thutlukna an la siam dawn a ni.

Trump-an military budget atana ruahmanna a siamah hian dollar tld 603 chu sipaite inenkawlna leh relbawlna atan a nih baah, war mission atan dollar tld 65 dah a rawt bawk.