Vur sur nasat vangin Eiffel Tower khar

France khawpui, Paris-a khualzinte tlawh nasat, Eiffel Tower chu khawpui chhunga vur a sur nasat avangin kar kalta Thawhlehni aṭanga nimin, Pathianni thleng khan khar a ni.

Official-te chuan vur sur nasat avangin Eiffel Tower-a platform leh leihlawmte pawh a nal hle niin an sawi a, khualzinte tan tluk leh intihnat palh a hlauhthawnawm niin an sawi. Paris City Hall chuan Thawhlehni aṭanga vur sur kha darkar khata 12 cm-te a tling niin an sawi, kum 1987 hnua vur a sut nasat ber ṭum a nih thu an sawi. Eiffel Tower hi kumtinin khualzin maktaduai ruk velin an tlawh ṭhin a ni. Paris thuneitute chuan khawpui chhungah bungraw lian phur motor luh an khap bawk.