United States infrastructure din tharna tur ruahmanna tlangzarh

US President Donald Trump chuan American infrastructure din thar lehna tura rawtna a siamte a tlangzarh.

US-a kawng, lei leh airport-te tihchangtlunna atan han federal fund-ah dollar tluklehdingawn 200 dah a ni a, hei bakah hian state sorkar leh private investor-te investment aṭangin dollar trillion 1.3 vel a lut dawn bawk niin White House chuan a sawi. Rural area tihchangtlunna tur project atan dollar tld 50 ruahman a ni bawk.

Donald Trump chuan kum 2001, September 11-a firfiakten an beih hnua ṭul lo taka sipaite tana sum tam tak an lo sen ral ṭhin chu thlak danglam chhoh tum mek a ni tih a sawi. Hemi rual hian defence lamah sum tam zawk dah a la tum reng tho a, US armed force-te chu midangte tluk rual loha dah a tum tih a sawi.

Trump chuan Middle East-ah dollar trillion 7 zet an lo seng tawh a, hei hi an tihsual lian tak niin a sawi. "Tunah chuan ram chhunga kawng leh lei chhe mekte siam leh din thar kan tum a, hetihlai hian hemi atan hian sum hmuh kan harsat hle thung a, hei hi thil mak tak a ni", a ti. Mahse public leh private sector lam aṭangin investment eng emaw zat an hmuh tur thu a sawi.