Kim Jong-un-an SKorea lawmthu a hrilh

North Korea ram hotu lu ber, Kim Jong-un chuan Winter Olympics neih mekah South Korea-in NKorea palaite a lo thlen danah lawmthu a hrilh.

North Korea state news agency, KCNA chuan Kim-an South Korea chunga a lawm thu a sawi hi NKorea official-te an rama an kir leh hnuah a tichhuak a ni. SKorea-a NKorea official kal zingah ian Kim-a farnu, Kim Yo-jong pawh a tel.

KCNA chuan South lamin North lam palaite a lo dah pawimawh a, a lo dawnsawn danah Kim chu a lawm hle a, South chungah lawmthu a sawi a ni, tiin a tarlang. NKorea hruaitu chuan Korea ram pahnih ten inpumkhatna ṭha zawk leh inbiakna neih a nih theih nan pawh rawtna a siam nia sawi a ni bawk.

Hetih lai hian Kim-a farnu, Kim Yo-jong-i hi NKorea rama mihring dikna chanvo palzuta puhna kaihhnawihah UN-in a hrek zingah a tel avangin Winter Games neihnaah a inlan hi sawiseltu an awm thung. Kim-i hi a nuṭa, Kim Jong-un nen hian an inpawh ṭha hle a, nikum khan sorkarah dinhmun pawimawh tak pek a ni.