Infrastructure siamṭhat nan Trump-an a hlawh a pe

US President Donald Trump chuan an ram infrastructure siam ṭhat nan kum 2017 fourth-quarter-a a hlawh a thawh.

President Trump hian a thla hlawh hi Thawhlehni khan Transportation Department hnenah a hlan a, Transportation Secretary Elaine Chao chuan dollar nuai khat check hi a lo dawng a ni. Department chuan he sum hi infrastructure project thawh mek atan hman a ni dawn tih a sawi. Trump hian an rama kawng, lei leh lawngchawlh hmunte chei ṭhatna tur ruahmanna a lo tlangzarh tawh a ni. President Trump hian a hma pawhin a hlawh hi Department of Health and Human Services hnenah a lo hlan tawh bawk.

US President thlan dawna a campaign lai khan Trump hian thlan tlin a nih chuan President hlawh hi a lak loh tur thu a lo sawi tawh a ni. President hian kum khatah dollar nuai li a hlawh a, mahse an ram danah president hian a hlawh hi a lak ngei a ngai a, hei vang hian Trump hian a hlawh hi la phawtin department ho hnenah a thawh leh ṭhin a ni.