France President-in Syria beihah a vau

France President Emmanuel Macron chua Syria sorkarin civil mite laka beihpui a thlaknaah chemical ralthuam a hmang ngei tih finfiah a nih chuan Syria chu beihah a vau.

President Macron chuan Syria sipaite hian chemical ralthuam an lo hmang ngei a nih chuan, beihpui thlakna tura an inbuatsaihna hmunte chu an bei let ve dawn tih a sawi. Mahse tun thlengin French intelligence-te chuan Syria-ah hian chemical ralthuam hman phal loh hi a hmang ngei tih finfiahna an la hmu lo niin a sawi.

January thla tir lam khan Syria sipaite hian helho kuta awm, Saraqeb khua an beihnaah chlorine gas an hmang niin eptute chuan an sawi. Chlorine bomb an thlak hnu hian khawchhunga cheng civil mi pakua-te chu thawk lama harsatna an neih avangin enkawl zui an ni. Mahse Syria sorkar chuan chemical ralthuam hmanga puhna hi a pha nasa hle a, civil mite pawh a bei tel lo tih a sawi a ni.