Yemen tan Saudi Arabia leh UAE-in dollar tld 1 pe

Saudi Arabia leh United Arab Emirates (UAE) chuan tualchhung indona avanga harsatna tawk mek, Yemen ram chhawmdawlna atan United Nations hnenah US dollar tluklehdingawn khat pek an remti niin UN thupuangtu chuan Thawhlehni khan a sawi.

UN thupuangtu Stephane Dujarric chuan UN fund aṭangin dollar maktaduai 930 chu harsatna tawkte chhawmdawlna turin hman a ni anga, dollar maktaduai 70 chu lawngchawlh hmun leh infrastructure-te siamṭhatna atan hman a ni ang, a ti.

UN Emergency Relief Coordinator Undersecretary-General Mark Lowcock chuan Saudi Arabia leh UAE hian ṭanpuina sum tam tham tak an pek dawn bakah, donor dangte aṭangin dollar maktaduai 500 hmuh belh an tum bawk niin a sawi. Heng ṭanpuina sum hmang hian UN leh a thawhputie chuan Yemen mi maktaduai 8.5 chuang hnenah ei tur bakah chhawmdawlna dangte an pe thei dawn a, naupang maktaduai 5.6, nu leh naupai lai te hnenah ei tur ṭha semin, mi maktaduai 5.4-ten tui thianghlim an neih theih phah dawn a ni, a ti.