Bhutan-in kar khat chhungin puitling 90% vaccine pe tawh

Bhutan health minis­try chuan an ram mipui puitling chin 90% chu kar khat chhungin Covid-19 vaccine an pe hman tih a sawi.

Mi nuai riat vel chen­na, Bhutan hian July 20 aṭang khan vaccine dose hnihna pek chhuah runpui hi a kalpui ṭan a ni.

Kumin April thla khan puitling 90% chu vaccine dose khatna pek an ni tawh tih a lo sawi tawh bawk a, mahse vaccine lam indaih lohna avangin hun eng emaw chen vaccine pek chhuah hna hi a khaihlak hman a ni. Mahes US aṭangin Covax programme hnuaiah Moderna vaccine dose nuai nga a dawn hnuah kar liam ta aṭang khan a pe leh ṭan a ni. Denmark, Croatia leh Bulgaria ram aṭangin kar hnih liam ta chhung khan AstraZeneca vaccine dose nuai li chuang a dawng bawk.