China billionaire Sun Dawau kum 18 tang turin hrem

China ram mi hausa, human rights leh politics chungchanga huaisen taka ṭawngchhuak ṭhin, Sun Dawu chu kum 18 jail tang tura hrem a ni.

Dawu hi buaina chawk chhuak leh, midangte fuihah puhin thubuai siamsak a ni a, China-ah chuan activist-te lakah he thubuai hi siam a ni fo ṭhin. Hei bakah hian dan dik lo taka ram neiah te, state agency bei tura mipuite ko khawm leh sorkar hnathawkte an hna thawk tur dangahte puh a ni bawk. Kum 18 tang tura hrem a nih bakah yuan maktaduai 3.11 chawi tura tih a ni bawk a ni.

Sun Dawu company hi China rama a lian ber zinga mi niin, meat processing, pet food, school leh hospital thlengin a nei a ni. Nikum khan sorkar hnuaia farm nen ram inchuh avangin man a ni a, a rual hian a chhungte leh a thawhpui mi 20-te man tel an ni bawk.

Langsar taka China sorkar policy sawisel ngamtu tlemte zinga mi niin, kum 2019-a African swine flu leng chungchanga sorkar chu thil zepah puhin na takin a lo sawisel tawh a ni.