Myanmar state pahnihah internet titawp

Myanmar  khawthlang lam state pahnih, Rakhine leh Chin state-ah nimin aṭang khan internet tihtawp leh a ni. 

Norwegian mobile operator Telenor Group chuan Thawhṭanni zan khan thuchhuah siam­in,  transport and com­munication ministry chuan heng state pa­hnihah hian thla thum chhung atan mobile internet titawp turin a hriattir tih a sawi. 

Tualchhung helpawl leh sorkar sipaite inbeihna thleng fona, state pahniha khaw pangaah hian hun eng emaw chen internet hi tihtawp a ni tawh a, nikum September thla khan sorkar sipai leh hel­pawlten inremna kawng zawnga inbiakna an neih avangin internet pawh hi sut a ni a, mahse nimin aṭang khan tihtawp a ni leh ta a ni. 

Myanmar sipai thu­puangtu, Tun Tun Nyi chuan state pahniha inter­net tihtawp chungchang hi sipai lamin an hriat ve loh thu a sawi thung.