US Coast Guard-in ruihhlo USD tld 1.4 hu man

US Coast Guard chuan beihpui an thlakna hrang hrangah ruihhlo, cocaine leh cannabis US dollar tluklehdingawn 1.4 hu vel an man tih Ningani khan an puang.

"Coast Guard-ten ruihhlo tawlhruk kan man tawhah chuan a la tam ber a ni" tiin Commander Steve Poulin chuan Port Everglades, Florida-a press conference-ah a sawi. An ruihhlo man hi cocaine ton 27 leh cannabis pound 1,430 (650 kilogram) a nih thu a tarlang.

Capatin Todd Vance chuan Coast Guard unit hrang hrangten beihpui an thlaknaah hian Canadian Navy leh US Border Patrol aṭanga puihna an dawn thu a sawi.

"Kan mite theihtawp chhuahna zarah Central America leh chhimlam ramria dan bawhchhiaa thiltite chu kan dang thei a ni," a ti.

Official sawidanin, tun ṭum beihpui thlak­na­a ruihhlo mante hi US patrol-in kum 2020 chhunga an man belhkhawm aiin a tam zawk tih a ni.