Senegal-ah Curfew thlahdul dawn

Senegal sorkarin an rama hri leng darh zel tur venna atana curfew a puan duh lohna lantira nawrh huaihawt a nih avangin curfew hi thlahdul a ni dawn. 

Sorkarin curfew a puan leh, khawpui liante inkalpawhnaa khuah­khirhna a siam duh lohna lantirin zan hnih nawrh huaihawt a ni tawh a, police-te chuan nawrh huaihawt zinga mi 200 chuang an man tawh bawk. March thla aṭang khan Senegal-ah hian hri leng vangin curfew hi puan a ni. 

Interior minister aly Ngouille Ndiaye chuan curfew hi thlahdulin, zan dar 11 aṭanga a tuk zing dar 5 inkarah hman a ni tawh dawn tih a sawi. Khawpui intlawhtawn khapna pawh thladulin, restaurant, gym leh casino-te pawh hawn an ni tawh ang.