NKorea-in US leh SKorea a vau

North Korea hotu lu ber, Kim Jong-un-a farnu, Kim Yo Jong chuan South Korea leh US-in annual joint military drill kaltlangpui an tum avangin ram pahnihte hi a vau.

SKorea leh US-ten joint military drill an neih ṭhin hi NKorea chuan a ngaimawh thei hle. Kim Yo Jong chuan heng ram pahnihte drill an neih chu an dodal a, an thiltih hi anmahni an intihchhiatna tur hmanrua a ni, tiin a sawi. "Vawi tam tak war exercise nei lo tura ngen a kan hriattirna an ngaih pawimawh loh avangin, United States leh South Korea hian security lama vauna hlauhawm tak an la hmachhawn ngei ang," a ti.

Kim Yo Jong chuan Korea ram pahnihten an inkar boruak siamṭhat tuma hma la a, ram pahnihte inkara hotline pawh an tihnun leh hnu lawka SKorea chet dan chu inphatsanna a ni, tiin a puh bawk. Military drill an neih tur chuan Korea ram pahnih inlaichinna ṭha chho mek chu a tichhe leh ngei dawn a ni tiin a sawi. Drill neih tum chu a sawisel bakah, SKorea-a US sipai dahte pawh lachhuak turin a phut bawk.

US leh SKorea sipaite hian kar leh aṭangin neih ṭan tum a ni a, nimin aṭang khan preliminary training an nei ṭan a ni.