China-in karaoke-a hla sak tur chin bithliah

China chuan kumin October 1 aṭangin mihring mizia a ṭha lo zawnga hruai thei "illegal content" awmna rimawi/hla te chu ramchhunga karaoke-ah sak an phal dawn tawh dawn lo tih Ministry of Culture and Tourism chuan a sawi.

Karaoke-a sak khap tur zingah hian hnam inpumkhatna tichhe thei te, roreltu diriamna, state chhunga sakhaw inkaihhruaina leh rinna bawhchhiatna awmte bakah chin ṭha lo, pawisa khelh leh drugs sawimawina lamte a huam dawn tih ministry chuan Thawhlehni khan a puang.Karaoke neitute chuan an hla sak turte chu uluk takin an vil chhunzawm tur a ni , a ti bawk.

China-ah hian hian intihhlimna hmun 50,000 dawn neiin, basic music library-ah hla 1,00,000 chuang an neih avangin venue operator tan rimawi sak phal loh chin thlanchhuah a har dawn hle a ni.

Ministry chuan content provider-te chu rimawi hlimawm leh rilru tizangkhai thei chi play ṭhin turin a ngen.

China hian tharum thawhna, pornography, politics kaihhnawih thilte chu social media leh website aṭangin an la thla zel a ni. Tun hnai khan livestreaming video platform-te chu an thil tihchhuah avangin an lo hrem tawh bawk a ni.