President Ghani-a' hmar lam khawpui a tlawh

Afghanistan president Ashraf Ghani chuan nimin khan hmarlama Mazar-i-sharif khawpui tlawhin an sipaite dinhmunte a enfiah nghal.

President Ghani hian Mazar hruaitu Atta Mohmmad Noor bakah warlord Abdul Rashid Dostum-te pawh a kawm a, Taliban-te laka khawpui venhim dan turte a sawipui. Taliban firfiakte hian Mazar khawpui lak tum hian khawpui dai lam pawh an rawn hnaih sawt tawh hle nia sawi a ni.

Firfiakten Mazar khawpui hi an laksak thei a nih chuan Afghanistan sorkar tan pawh a pawi thei dawn hle. Hmar lam hi a hma pawha Taliban awm lohna lam a nih ṭhin avangin firfiakte kuta an chan a nih chuan sorkar tan chuan a chakna tam tak a hloh phah dawn a ni.