Delta variant lakah Sputnik vaccine a rintlak : Russia Health Minister

Russia health minister Mikhail Murasho chuan an rama Covid vaccine siam chhuah, Sputnik vaccine chu tunlai Covid-19 hri darh mek leh inkaichhawn awlsam tak, Delta variant lakah a rintlakin 83% in a veng tih a sawi.

Vaccine siamtute hi June thla khan Delta variant lakah Sputnik V hian 90% in a veng tih an lo sawi tawh a, mahse zirchianna an neih hnuhnung berah 83% vel a nih thu an sawi leh a ni.

Sputnik vaccine siamtu, Gamelya Institute-a director Alexander Gintsburg chuan Sputnik V hi a him ṭhain coronavirus strain hrang hrangah pawh hna a thawk ṭha tih a sawi.

Mi maktaduai 144 vel chenna, Russia ramah hian an ram siam vaccine pali pawm a ni tawh a, hri kai hi mi maktaduai 6.5 dawn hmuh chhuah an ni tawh.