Military parade atan dollar mtd 30 ngai dawn - US budget chief

US President Donald Trump-an Washington DC-a military parade pui tham tak buatsaih a duh thu a sawi tawh a, hei hi tihpuitlin a nih dawn chuan dollar maktaduai 30 vel a ngai dawn niin White House budget chief, Mick Mulvaney chuan a sawi.

US Office of Management and Budget (OMB) director Muvaney chuan military parade neihna tura senso hi an chhut lawknaah a hun rei dan azirin dollar maktaduai 10–30 vel a ngai dawn niin a sawi.

President Trump hian nikuma France rama Bastille Day parade a hmanpui hnuah an ram sipaite theihna lantir a, military parade pui tham tak buatsaih ve hi a chak thu a sawi a ni. Defence Department hnenah pawh military parade buatsaih a nih theih dan tur hi lo ngaihtuah turin a ti bawk.